29.08.09
İngiltərə çempionatı
3-cü tur
Fulhem - Çelsi 0:2
Qollar: Droqba, 39. Anelka, 76.
Fulhem: Şvartser, Pentsil, Hyuz, Hangeland, Konçeski, Qera (Kamara, 63), Etuhu, Mörfi (Berd, 70), Daff, Dempsi, Zamora (Nevland, 75).
Çelsi: Çex, Bosinqva (Hatçison, 86), Terri, Rikardo Karvalyo, Eşli Koul, Ballak, Obi Mikel, Lempard (Deku, 81), Maluda, Anelka, Droqba.
London. 25404 tamaşaçı.
Yeni baş məşqçi Karlo Ancelotti ilə mövsümə uğurlu başlayan “Çelsi” Premyer Liqada ardıcıl 3-cü qələbəsini qazandı. London derbisində oyunboyu üstünlüyü özündə saxlayan “zadəganlar”ın ilk qolu 39-cü dəqiqədə gəldi. Anelkadan ötürmə alan Droqba mövsümdə 3-cü qolunu rəsmiləşdirdi. Sona 14 dəqiqə qalmış qonaqlar qələbələrini möhkəmləndirdilər. Bu dəfə assistent rolunda Droqba çıxış etdi. Onun ötürməsindən sonra qapıçı ilə təkbətək çıxan ötən mövsümün bombardiri Anelka yeni mövsümdə qol hesabını açdı.
Arsenal - Portsmut 4:1
Diabi, 18, 21. Qallas, 51. Remsi, 68 - Kabul, 37.
50 ildir səfərdə “Arsenal”a qalib gələ bilməyən “Portsmut”un arzusu bu dəfə də gözündə qaldı. Rəqibinin qapısından 4 top keçirən “topçular” artıq Premyer Liqanın ilk iki oyununda 10 dəfə fərqləniblər.
“Portsmut” isə ardıcıl 3-cü qarşılaşmadan da məğlub ayrıldı.
Bu matçda London klubunun heyətində 100-cü oyununa çıxan Abu Diabi yubileyini dublla qeyd etdi. Bundan əlavə 4-cü qolu vuran 18 yaşlı Aron Remsi Premyer Liqada ilk dəfə fərqləndi.
Viqan - Mançester Yunayted 0:5
Runi, 56, 65. Berbatov, 58. Ouen, 85. Nani, 90.
Bu görüşdə 100-cü qolunu vuran Ueyn Runi “Mançester Yunayted”in tarixində bu nailiyyətə imza atan 20-ci futbolçu oldu. Qarşılaşmada “Viqan”ın hücumçusu Rodalyeqanın sifətinə dirsəklə zərbə endirən mançesterli müdafiəçi Nemanya Vidiçin hərəkəti hakimin gözündən qaçsa da, o, 3 oyunluq cəzalandırıla bilər.
Bernli - Everton 1:0
Elliott, 34.
Vest Hem - Tottenhem 1:2
Defo, 54 - Karlton Koul, 49, Lennon, 79.
Mançester Siti - Vulverhempton 1:0
Adebayor, 17.
Hall Siti - Bolton 1:0
Qilas, 61
Sanderlend - Blekbörn 2:1
Cons, 32, 53 - Jive, 21.
Birmingem - Stok Siti 0:0
Liverpul - Aston Villa oyunu dünən gec başa çatıb.
Bombardirlər: Defo (Tottenhem) - 4. Droqba (Çelsi), Runi (Mançester Yunayted) - 3.
