28.10.09
İngiltərə millisinin və “Los Anceles Qalaksi”nin yarımmüdafiəçisi Devid Bekhemin Milana keçəcəyi barədəki xəbərlər son günlərdə kütləvi informasiya vasitələrinin əsas müzakirə mövzusudur.İngiltərə mətbuatının yazdığına görə 34 yaşlı futbolçu gələn ildən icarə əsasında “Milan” da çıxış edəcək.Bu xəbəri Adriano Qalliani də təstiqləyib:”Bu məsələ tam olaraq həllini tapıb”.İndi Bekhem müqaviləyə imza atmalıdır.
Ötən il də Milanda icarə əsasında çıxış edən futbolçunun özü də İtaliyada çıxış etmək və CAR-da keçiriləcək 2010-cu dünya çempionatında çıxış etmək arzusundadır.
Bununla belə Qalliani qış transferi ilə bağlı maraqlı açıqlamalar verib.O,yanvarda komandaya yalnız Bekhemin gələcəyini və başqa heç bir transferin olmayacağını bildirib.
Aleks Ferqyuson Rusiyadakı qidalanmalarından narazı qalıb.
Oktyabrın 21-də Çempionlar Liqasının Qrup mərhələsinin 3-cü turunda yerli ordu klubunu məğlub edən “Mançester Yunayted”-in oyundan sonra qidalanma ilə problemlərin olduğu barədə məlumatlar yayılıb..Baş məşqçinin sözlərinə görə onlar İngiltərədən güclərinin bərpa olunması üçün xüsusi ərzaqlar gətiriblərmiş.Rusiyalı sərhədçilər isə həmin qidaların ölkənin müvafiq qurumlarından qeydiyyatdan keçmədiyinə görə Rusiya ərazisinə buraxmayaraq məhv ediblər.
Şotlandiyali mütəxəssis Aleks Ferqyuson bu amili 10-cu turda Liverpula məğlub olmalarının əsas səbəbi kimi göstərib. Onun sözlərinə görə komanda müvafiq qida vasitələri ilə qidalanmadığına görə gücünü bərpa edə bilməyib.Xatırladaq ki, onlar Rusiyada olarkən adı çəkilən ölkənin milli xörəkləri ilə qidalanmışdılar.
