07.10.09
Türkiyə Super Liqasında son turun bəlkə də ən çox gözlənilən qarşılaşması Beşiktaş-Denizlispor idi. Son oyunlarda heç cür qələbə qazana bilməyən Çempionlar nəhayət ki, Denizlisporla qarşılaşmadan qalibayrıla bildilər.Amma demək olmaz ki, tərəfdarlar bu nəticədən razı qaldılar. Komandalarından daha böyük nailiyyətlər gözləyən Beşiktaşlı tərəfdarları təbii ki minimal hesablı qələbələr qane edə bilməz. Son mövsümdə iki kuboka yiyələnən “Qara qartallar” –ın bu cür oyun sərgiləməsi azarkeşləri özündən çıxarmışdı.
Rusiya MOİK-i ilə keçirilən matçdan tam fərqli heyyətlə meydana çıxan ağ-qaralar axır ki tilsimi qıra bildilər. Nihat Kahvecini, İsmail Köybaşı, İbrahim Kaşı ehtiyatda saxlayan təcrübəli mütəxəssis Denizli Tello və zədəli Holoskonu “18”-yə daxil etməmişdi. Onların əvəzinə Rodriqo Tabata, Sərdar Özkan, Yusuf Şimşək,Mixail Fink və İbrahim Üzülməz ilk “onbirlik” də yer almışdılar. Beşiktaş elə ilk dəqiqələrdə hesabı aça bilərdi lakin Nobre topu dirəyə vurdu. İlk yarı 0:0 bərabərliklə yekunlaşdı.
İkinci yarının əvvəllərində sağ cinahdan hücuma keçən Nihat birbaşa olaraq pası Nobreyə ötürdü və yaranmış qarmaqarışıqlıqdan istifadə edən Nobre öz növbəsində pası Tabataya verdi.Tabata sərrast zərbə ilə komandada ilk qolunu vurdu. Bundan sonrakı vaxt ərzində Caner Rüştü ilə təkbətək qarşılaşmadan məğlub ayrıldı. Qalan vaxt ərzində matça tam olaraq nəzarət edən Beşiktaşlılar minimal hesabla qələbə qazanmağı bacardılar.
