15.01.10

 

Muğan Futbol Klubu dünən ilk transferini reallaşdırdı.İki gündür ki, heyyətlə birgə hazırlıqlara qatılan bosnyalı yarımmüdafiəçi Amir Yuqo və Azərbaycanın 21 yaşlılardan ibarət milli yığma komandasının müdafiəçisi Tural Axundovla müqavilə imzalandı. Xatırladaq ki, bu 2010-cu il qış transferi müddəti ərzində Muğanın reallaşdırdığı ilk transferlərdir.

 

Qeyd edək ki, Saytımıza müsahibəsində Bosnyalı mütəxəssis Almir Hurtiç hər iki futbolçunun fiziki durumdan and məşq zamanı göstərdiyi gözəl oyundan razı qaldığını bildirmişdi.Tural son mövsümdə MOİK komandasının şərəfini qoruyub və yığmadakı son oyununu Avstrya millisinə qarşı keçirib.

 

Leqioner futbolçu Amir Yuqo ilk dəfədir ki, Azərbaycandadır. Müqavilə imzaladıqdan sonra Amir təəsüratlarını bizimlə bölüşdü:

 

Bir neçə gündür ki, Azərbaycandayam və Muğanla birgə məşqlərdə iştirak edirəm.

 

Futbol oynamaq üçün hər bir şərait var. Muğan çox yaxşı potensiallı oyunçuları olan komandadır.Məşqlərdən razı qaldım. Hər şey normal səviyyədədir.İndi əsas məqsədim yeni dövrədə komandama lazımi dəstəyi göstərə bilməkdir. Hazırlıqlar lazımi səviyyədə keçir.

 

Güman edirəm ki, Muğan yeni dövrədə qələbələrlə azarkeşlərini sevndirəcək.